Anjan Ladki Se Bat Karne Ke 12 Tarike in Hindi: Bat Kaise Shuru Kare

Yaha janege agar koi anjan ladki ho aur aap usse bat karna chahte hai to girl se bat karna kaise shuru kare, jisme aap 12 real tarike (in Hindi) ke bare me janege.

ladki-se-bat

Kai bar ladke kisi anjan ladki se bat karte wakt harbada jaate hai aur kya bat karni hai aur kaise karni hai sab kuch bhul jate hai. Yah aisa isliye hota hai because wo first time kisi anjan ladki se bat kar rahe hai aur habit nahi lagi hai.

Ye almost confidence ki kami se hota hai, aur bhi kai kamiya jab ek kisi ladke me hoti hai tab wo ladki se bat nahi kar pata.

Ho sakta hai apko apni college, school ya office me koi ladki pasand aa gai ho aur aap usse batchit shuru karna chahte hai par apko koi bhi idea nahi mil rha hai ki kaise kare.

Main is post me apko kuch tarike aur tips batane wala hu jo apko kisi bhi anjan ladki se bat karna shuru karne me madad karega.

Ladki se Bat Karni Shuru Kaise Kare?

1. Eye contact Perfect Rakhe

Eye contact se hi apko ladki ko yah sanket dena hoga ki aap usse bat karna chahte hai. Jara soche agar koi bhi insan apke pas me aate hue eye contact banaye rakhe to apko usi wakt lag jata hai ki wo person apse koi kahne paas aa rha hai.

2. Apne aap ko Introduce Kare

Ab sawal yah hota hai ki us anjan ladki se bat shuru kare kya?

Apne eye contact karke yah sanket to kar dia ki aap usse kuch bat karna chahte hai par ab shuru me hi kya kahe?

Dhyan rahe uske kareeb jate wakt apni body language ekdam professional rakhe aur yah kahe “Hello..!! my name is Evaan, what’s your name?”

Par sawal yah uthata hai ki wo apko apna name kyon bataegi? yad rahe apko pahle us ladki me koi bat common batani hogi, jaise same class, same habit, same routine, agar family ko jante ho etc.

Aur jab wo apko apna name bataye tab thodi hi batchit ke bad me uska name lekar hi usse bat kare ese me wo ladki yah samjh jaegi ki ap conversation m kafi active rahte ho.

3. Be Yourself (Wastavik Bane Rahe)

Jyada oversmart aur over act ladkiyon ko pasand nahi hoti. Real person bane rahe aur banawati koi bhi chi na rakhe.

Agar aap funny hai to use hasaye, agar aap inteligent nahi hai to jaan karke banne ki koshish na kare.

4. Smile Kare

Yah har samne wale insan ka dil jeet leta hai, ek ladki se bat karte wakt agar aap smile karte hai to use yah sanket hota hai ki apko uske sath me conversation banane me kafi interest hai.

Apki smile ki wjah se chances jyada hoge wah anjan ladki apse khul kar bat karegi.

5. Use Special Feel Karaye

Bat karte hue uske interest ke topic par use achhi aur new jankari de. Ek informative person bane rhe aur ladki yah lagna chahiye ki use apse bat karke bahut kuch sikhne ko milta hai.

Par isse pahle apko yah janna hoga ki ladki ko interest kisme hai.

6. Ladki Ko Study Ke Bare Me Puche

Ladki se bat me usse study ke bar me puchne ka matlab yah nahi ki use boring topic jaise maths subject almost girl ki boring subject hoti hai par bat karni shuru kar de.

Apko ladki ke favorite teacher ke bare me puch sakte hai aur uske study ko lekar career plan ke bare me puch sakte hai.

7. Comment Aur Judge Ka Dhyan Rakhe

Yaad rahe aap filhal abhi tak kewal ek anjan ladki se hi bat kar rahe hai, shuru me hi uske idea aur bat par comment karke use irritate na kare. Ladkiyon ko bilkul bhi pasand nahi hota ki koi first time meet me bhi comment kare aur use judge kare.

Agar aap anjan ladki se first time hi bat kar rahe hai tab basic information hi puche aur us par comment ke bajaye use appreciate kare, use sabasi de aur tarif kare.

8. Tarif Sahi Tarike Se Kare

Manlo wo apki classmate hai ya same office worker hai to aap uske kam ki tarif kar sakte hai, par yad rahe tarif apne man se aur vastavik tarike se kare. Banawati tarif me aage wale ko pata lag hi jata hai aur ese apka hi impression down hota hai.

9. Ladki Ko Interest me Rakhe

Kisi bhi ladki se long time se bat karne ke liye use hasate rahe, uske liye ekdam funny hona bhi jaruri nahi hai, aap vatavaran ki situation par joke bana kar use hasa sakte hai.

Bas ladki ko apki bato me interest aana chahiye na ki apke boring joke ko use jelna pade.

10. Confidence Level ko Badhaye

Bat karte wakt apne confidence ko mediam rakhe, na jyada kam aur na jyada over.

11. Aawaj Ka Dhyan Rakhe

Jab aap bat kare tab har topic aur emotions ke sath me avaj ko dheere aur tezz kare. Almost try kare ki apni avaj ko itni rakhe ki ladki aaram se sun paye.

12. Body Language

Body language kafi baate bolti hai, apke uske kareeb chal kar aana, apke khade rahna, apke face expression etc. se use hi apke personality ke bare me sab pata lag jata hai.

To ye the kuch tips jo apko madad karege ki anjan ladki se bat shuru karne me.

Yaad rakhe har condition aur situation ke according hi ye tarike istemaal me le.

Leave a Reply

Your email address will not be published. Required fields are marked *