Hair Dandruff Dur Kaise Kare? 10 Upay in Hindi | Bal Ki Rusi Hataye

Yaha janenge baalo se dandruff (russi) dur karne ke kuch bhot hi asaan gharelu upaay, jisse aapko kabhi bhi apne baalo me dandruff aane ki tension nahi rahegi.

hair-dandruff

Aajkal har dusra insan Baalo me Dandruff (russi) hone ki samasya se pidhit hain. Aur aajkal toh ye problem har age walo ko hone lag gayi hain. Vaise Dandruff (russi) koi bimari nahi hai, ye ek tarah ki elergy hai jo baalo me hoti hain.

Dandruff (russi) kai baar jhadta hua humare kapdo par bhi gir jata hain. Ye white colour ke chote chote particles hote hai, jo asaani se kisi bhi kapde par dikh jaate hain. Kai baar hume Dandruff (russi) ki wajah se pimples, muhanse, baalo ka jhadna aur baal white hojana jaisi problem jhelni padhti hain.

Top 10 Tarike: Baalo Se Dandruff Dur Kaise Kare

1. Mehndi

  • Mehndi ka use sadiyo se hote aa raha hain. Because ye ek natural conditioner hai jo baalo ko soft aur silky banata hain.
  • Ek bartan me Mehndi, chaai ka paani, dahi aur nimbu ka ras milaye. Ise raat bhar ke liye rakh de. Fir ab ise apne baalo me acche se lagaye aur 1-2 gante chod de.
  • Baalo ko shampoo se dho le. Hafte me 1 baar ise karne se baalo ki har samasya se chutkara mil jaayega.

2. Dahi

  • Dandruff (russi) ka sabse bada dushman hai, Dahi. Dahi se bhot hi jald aapko apna Dandruff (russi) gayab hota dikhega.
  • 3/4 cup khatta dahi le aur ise apne baalo ki jadho aur baalo me ek mask ki tarah laga le. 1 gante ise chod de fir shampoo se dho le. Dahi se Dandruff (russi) to dur hota hi hai, sath hi ye baalo ko conditioner bhi karta hain.

3. Santre (Orange)

  • Humare baalo ke liye Santre (Orange) ke chilke bhot hi acche hote hain.
  • Iske chilke me moujud acid baalo se extra tel nikalta hai aur baalo ko conditioner bhi karta hain.
  • Santro ke chilko aur nimbu ka ras jar me lekar mixer me pis le. Paste baalo aur jadho me lagaye aur 1/2 gante ke liye chod de, fir shampoo kar le.
  • Hafte me kam se kam 1-2 baar ye process jarur kare.

4. Nimbu aur Nariyal Tel (Oil)

  • Aap 2 chammach nariyal tel ko halka garam kar le, fir usme 2 chammach nimbu ka ras mila le. Ab ise mixture ko apne baalo ki jhado par halke se massage kare. Massage karne ke baad ise 20min. ke liye chod de fir shampoo kar le.
  • Ise hafte me kam se kam 2-3 baar kare. Aur kuch hi hafto me aap farak dekhne lagenge.

5. Baking Soda

  • Bas 1 chammach soda le aur ise apne sukhe baalo me jadho me lagaye. 2-3 min. ke liye chod de fir shampoo kar le.
  • Ise aap hafte me 3 baar kare. 2-3 hafte me aap Dandruff (russi) se chutkara paa lenge.

6. Methi Pack

  • Bas 1 muthi methi ko pani me raat bhar ke liye bhigo de. Dusre din subah methi ko pis le aur paste bana le. Is paste ko jhadho aur baalo me lagaye.
  • Fir 1 gante ke liye ise aise hi chod de.
  • Is process ko hafte me 2-3 baar kare aur behtar results ke liye 3-4 baar bhi kar sakte hain.

7. Neem Ka Ras

  • Ise pis kar ek paste bana le, fir 10min. chod de fir shampoo se dho le.
  • Iski Pattiyon ko ubaal kar uske pani ko baal dhone me use kar sakte hain.

8. Adrak (Ginger)

  • Aap adrak ko til ke tel me mix karke ise baalo me laga sakte hain.
  • Ek patle kapde me adrak ko kaskar nichode aur ise til ke tel ke sath mix karle. Is tel ko apne baalo aur sar par maalish kare. 15min. ke baad baalo ko dho le.

9. Tulsi Ka Patte

  • Pehle Tusli ki pattiyon ko pis kar uska powder bana le. Fir 1 chammach aavla powder tulsi ki pattiyon ke sath milaye. Inka ek paste tyaar kar sar par lagaye, aur aadhe gante baad dho le.
  • Ye Sar ki oily skin aur Dandruff (russi) ko dur karne me kaafi karigar hain.

10. Baby Oil

  • Isme anti-bacterial aur anti-fungal gunn hote hai, Dandruff (russi) hone par sar me lagane se uski skin healthy rakhti hain.
  • THoda sa tel apni hatheli par le aur iska use apne sar ki skin aur baalo par kare. Ab apne sar ko towel se dhak le aur raatbhar ke liye chod de. Agle din apne sar ko saade paani se dho le.

Upar diye kuch asaan tariko se aap badi hi asaani se apne Baalo se Dandruff (russi) dur kar sakte hain.

Leave a Reply

Your email address will not be published. Required fields are marked *