Jane Blogging Itna Tezi Se Kyon Badh Raha Hai: 07 Popularity Reasons

Yaha me apko blogging ke kuch advantage batane jaa raha hu, jisme apko help milegi yah samjhne me ki aakhir kyon blogging itna fast badh raha hai iske fayde kya hai iske tezi se badhne ke reasons kya hai.

blogging-popularity

Engineer, doctor, CA, vakil ki tarah aaj ke wakt me insan ka profession blogging banta jaa raha hai aur har koi bada blogger banne ki soch raha hai.

Halaki blogging ki awareness USA aur foreign countries me kafi pahle ho chuki thi, aur current me India me kafi tezi se badh rahi hai.

Lekin abhi bhi kai new internet user aise hai jinke samne blogging words aata hai to unhe iske bare me itna pata nahi hota hai.

Agar aapne meri pichli post nahi padhi jisme maine bataya tha ki blog kya hota hai, jaha maine blog ke bare me detail me bataya tha to use pahle padhe to kafi bahtar hoga, uska link niche diya hai.

Aur kai condition me ek blogger samne wale person ko bolta hai ki wo blogger hai to again repeat sawal hota hai ki yah konsa profession hai, lekin is bat ke kafi chances hai ki India me aane wale kuch hi saalo me blogging ki kafi awareness level badh jaega.

Chaliye main apko kuch reason bata deta hun ki aakhir kyon blogging har person ko pasand aa rahi hai, isme log itne kam samay me itni tezi se kyon jud rahe hai aur iske fayde kya hai.

Reason 1: Blogging Kabhi Bhi Kar Sakte Hai

Agar aap ek blogger hai to apko yah samjhane ki mujhe jarurat bhi nahi hai ki ek blogger apne laptop ya computer par jab chahe kaam kar sakta hai, chahe aap late night tak karo.

Iske alwa isme koi bhi rok tok nahi hai, agar aap koi din kaam na bhi kare to apko koi bhi punish nahi karega, par agar aap jyada wakt ke liye kahi chale jate hai to apke blog ke users tut sakte hai.

Reason 2: Blogging Kahi Bhi Kar Sakte Hai

Apke pas kewal computer/laptop and achha internet connection hona chahiye, iske sath me aap kahi par bhi blogging kar sakte hai.

Iske sath me maine kai bloggers aise dekhte hai offline hi kaam karte hai, apne blog ke liye offline Microsoft word me hi article likhte hai then use kabhi internet connection hone par internet par publish kar dete hai.

Reason 3: Blogging Kaise Bhi

Apka koi bhi boss nahi hota hai ki apko aise hi kaam karna hoga nahi to aap ko kaam se nikal diya jayega, agar apko lagata hai is tarah se kam karne se apke sath me log jyada judege, ya apke blog par achhe visitors aayege to apko wo karne ke liye kisi ko bhi puchne ki jarurat nahi hai, just implement it.

Reason 4: Blogging Badhata Hua Field Hai

Kya aap kisi Govt. job wale person ko jante ho?

agar jante ho to mujhe yah bataye ki unki every year income me kitni badhotri hoti hai?

Dosto Govt. ho ya private, job karne walo ki salary kuch limit m badhati hai, par self business ko aap kahi bhi le jaa sakte ho. Yes blogging ek self business hi jisme aap apne business (blog) ke owner ho.

Jab koi bhi blog banta hai to us par achha traffic aane me kam se kam 6 months lag hi jaate hai, aur jab traffic shuru hota hai tab yah badhta hi jata hai aur aapne dekha hi hoga koi bhi popular bloggers hai uski income every next year previous year se jyada hi hoti hai, iske badhne ke bahut high chances hote hai.

Reason 5: Blogging Me Aap Puri Duniya Ko Apna Talent Show Karte Hai

Jab aap apna koi bhi business karte hai (kisi bhi city me), to apki pahchan un city tak hi hoti hai ya uske aas-paas kuch aur city me ho jati hai. Lekin blogging me aap puri duniya ke liye business karte ho.

Jaise agar aap mera yah article padh rahe hai ise puri duniya me koi bhi padh sakta hai.

Aapki popularity pure world me ho sakti hai.

Reason 6: Aapko Sikhne Ko Milta Hai

Blogging me article likhte ke liye khud padhte-padhte apko itna knowledge gain ho jata hai ki aap aap ko kisi specific topic par master hi ho jati hai. Aur aisa kyon na ho? agar roj ek article likhne se pahle internet par maujud usi topic par 4-5 articles padhe aur phir research karke apni language me use aasaan karke likhe.

Yaani ek taraf aap per day 4-5 internet ke fresh and latest article padh kar apna knowledge gain kar rahe ho aur dusra aap ko yah bhi pata lag raha hai ki koi bhi dusra blogger apne blog par kaise kaam kar raha hai uske hisab se apko apne blog par kaise karna hai.

Reason 7: Writing Skill Achhi Hoti Hai

Blogging karte-karte jab apki writing skill kafi achhi ho jati hai tab aap koi topic jis par aap ko achha knowledge par par book likh sakte hai, kisi badi magazine ke liye guest post likh sakte hai, jisse apki internet profile banegi.

Agar aap ek as a freelancer writer ban kar achha earn karna chahte hai tab aap kafi achha kar sakte hai aap companies ke project le sakte ho jab koi bhi article ka kam ho kyonki blogging se apki writing skill kafi achhi ho jati hai.

To dosto ye the blogging ke kuch fayde jiski wajah se blogging aaj kafi tezi se badh rahi hai, aur yah kabhi khatam hogi nahi kyonki internet par log information search karne band nahi karege aur information dalne wale sabhi blogger hi hote hai.

Agar aapne ab tak apna koi bhi blog nahi banaya hai aur banana chahte hai uske bare me jankari me dusri post me liki hai jiske link niche diye hai.

Leave a Reply

Your email address will not be published. Required fields are marked *