Computer Software Kaise Banaye (How to Make PC Program in Hindi)

Yah computer ke software kaise banate hai us par ek guide post hai jisme apko bataya jayega ki jab apko computer software banana hota hai tab kya-kya apko aana chahiye, yad rahe is post me software kaise banate hai uska instructions ya tutorial step by step nahi bataya jayega kyon ki software banane se pahle kafi computer programming languages ka course karna hota hai, usi ke liye is post me programming language kaise sikhe uske bare me bataya hai.

computer-program

Har computer expert aur computer users ko computer ke software, games, online service banane ka interest hota hai.

Computer software banana sikhne me programming languages sikhni hoti hai. Programming langauge bahut tarah ki hoti hai aur software create karne ke liye bahut time aur training ki jarurat hoti hai jo ki kewal ek post/article kabhi provide nahi kar sakta hai.

Yah post apko computer software banane ko lekar ek right direction dega. Aur important shuruat hai yah plan karnaki apko kis type ka computer program develop karna sikhna hai. For instance, plan me program ka purpose include kar sakte hai, game, service aur koi bhi features jo aap include karna chahte ho, isliye is post ko padhte huye computer software ka plan ko apne dimag me rakhe.

Programming Language

php-kya-hai

Jaisa ki maine pahle kaha tha, programming language kai tarah ki hoti hai, ab is me kounsi apko sikhni hai yah main key hai.

Apko kounsi programming language sikhni hai wo decide karne se pahle yah pata hona chahiye ki apko kis tarah ke software bnana sikhna hai, for example, Java aur visual basic dono hi popular programming language hai jisse programming languages ka fundamentals sikh liya jata hai. Other programming languages C, C++ aur C# hai jinka istemal games, apps, drivers, operating system banante me kiya jata hai.

Agar apko script develop karne me interest hai jaise online form and service, to uske liye Perl, PHP, Python popular languages hai, iske alawa web ke liye basic me HTML bhi sikhna hota hai.

Editor

Programming language ka editor ka matlab ek aisa software jisme apko us language me coding karni hoti hai, Windows me simple editor Notepad hota hai jisme HTML, PHP, JS aur kafi language ki coding hoti hai, jiske liye advance notepad++ bhi hota hai jise download karna hota hai.

Aur advance editors ki bat kare to usme Adobe Dreamweaver, Eclipse, JDeveloper, aur Microsoft Visual Studio aate hai.

Starting me simple text editor jaise Notepad ya Notepad++ use karna sahi hoga.

Compiler

Jyadatar computer programming lanague high-level programming languages hoti hai, jiska matlab hota hai ye language apke liye (Insan ke liye) samjhna aasaan hai par computer machine ko samjhna impossible hai. To aise me computer ko apka program samjhane ke liye computer machine language me us program ko convert karna hota hai jise compiling kahte hai, jo kam compiler ka hota hai.

Yani ki koi bhi aisa program jo insan samjh sake use computer machine ko samjhane ke liye us machine language me convert karna hota hai jise compiling kahte hai, aur jis software se yah compile hota hai use compiler kahte hai.

Programming Language ko Sikhna

Jab programming language, editor aur compiler decide ho jata hai to ab wakt ata hai programming karne ka. Jaise agar C programming language me agar Hello World..!! display karne wale program likhna hai jo Turbo C++ compiler me likha jayega to is tarah se likhege.

#include<stdio.h>
#include<condio.h>
void main()
{
printf("Hello World..!!");
getch();
}

Iska output is tarah aega:

Hello World..!!

Jab koi programming language decide ho jati hai to ab apko koi book purchase karke ya phir online YouTube ya kisi website se us language me code karne ke rules, har code ka meaning, uske solutions etc. kare bare me padhna hota hai, aur dheere-dheere chote-chote program banane sikh kar bade bade program phir ek bada software banana bhi sikh sakte ho aur har bada software engineer isi raste se hokar gujarata hai, bina programming language ko sikhe software nahi ban sakta.

Leave a Reply

Your email address will not be published. Required fields are marked *