12 Upay: Jaldi Neend Kaise Aaye | Sahi Nuskhe Aur Tarike | Hindi Tips

Yaha janege agar apko nind nahi ati hai, to jaldi nind kaise aaye jo sehat ke liye sahi hai, iske liye is post me sahi 12 nuskhe/upay/tarike share kiye hai.

neend-sleep

Aksar humare dimag me raat ko pure din me aaye thoughts aur chintaye chakkar lagati rehti hai. Tab aise me humko jaldi nind anaa to impossible hota hai. Lekin aapki kuch koshisho se aap ek acchi neend ka anand le sakte hai.

 10 Tips: Jaldi Neend Kaise Le

1. Sab electronic products ko band kare

Andhera hone par body me aise hormones paida hote hai, jisse aapko neend aati hain. Isliye sone se pehle apne cell-phone, laptop, TV aur video game band karde. Varna isse aapki body me neend laane wale hormones paida nahi honge aur aapko neend nahi aayegi.

2.Jaldi Neend ke liye, sone se pehle garam paani se naha le

Nahane se aapki pure din ki thakan mit jayegi, jisse body me halka pan mehsus hoga. Garam paani se nahane par aapki skin ka temperature bad jayega, jisse aapko jaldi neend aane me help milegi.

3. Apne room ko thanda rakhe

Garam tvacha(skin) aur thanda kamra neend laane ke liye ek bhot hi badiya solution hain. Isse aapko raat ko pasina nahi aata, aur neend bhi acchi aati hain.

4. Room me andhera kijiye

Sirf electronics chize hi nahi, balki jyada roshni bhi neend ki dushman hain. Isse aapki body ko lagta hai ki abhi sone ka time nahi hua hain. Aur ye sab baate aapki body me neend lane wale hormones paida nahi hone deti.

5. Koi acchi book padiye

Padne se tension kam hoti hai aur humara dimag halka ho jata hain. Isliye sone se 15min. pehle apni koi man pasand book pade jisse aapko sone me aasani hogi.

6. Jaldi neend ke liye sone ka tarika badliye

Aksar agar aap pith ke bal sote hai to aapko neend me kharrate aane ke chances bad jaate hain. Isliye aap karvate lekar soye, toh aapko neend jaldi aayegi.

 7. Sone ke liye sahi takiya(pillow) chune

Agar dekha jaye to aapko sahi maayno me gardan  sidhi rakhkar bina takiye ke sona chahiye. Lekin agar aap takiye ke bina nahi sote, toh jitna ho sake takiya chota aur aaramdayak chune.

 8. Jaldi neend ke liye apne bed ko comfortable banaye

Agar aapki bedsheet aapko bhot chubhti ho toh use ulat dijiye. Aur agar aapko  rat ko garmi lage, toh apne takiye ko ulat dijiye. Sone se pehle aapne bed ko acche se saaf karle. Agar aapki chaadar ya kambal khujli de toh unhe change kar le.

7 Tarike: Dimag Shakti Tez kaise kare | Gharelu Upay Nuskhe in Hindi

9. Acchi Smelling products ka kamre me use kare

Scientifically study ke hisab se maana jata hai ki lavendor Essential oil body  ko shant karne me help karta hain. Isliye neend ki duniya ki serr karne ke liye apne takiye ki khol par is oil ki kuch bunde daal de.

10. Dinner karte hi naa soye

Sone se kam se kam 3 gante(Hours) pehle dinner karne ki koshish kare. Isse aapki body ko uss khane ko digest karne ka time mil jata hain. Aur aapko baad me sone ke waqt problem nahi aati aur neend acchi aati hain.

11. Raat ko exercise naa kare

Kisi bhi type ki exercise karne ka time aap subah ka hi rakhe, jisse aapko raat ko bhi neend acchi aaye. Raat ko kabhi exercise naa kare, isse aapki puri body active hojati hai. Aur neend laane wale sabhi hormones paida nahi hote. Isliye kabhi bhi raat ko exercise karne se bache.

12. Sone se pehle Coffee(Caffeine) naa piye

Sone se pehle Caffeine lene ka matlab hai, apni neend laane wale hormones ko nasht karna. Isliye sone se pehle kabhi bhi Coffee na piye, kyunki sabse jyada caffeine usi me hota hain.

Leave a Reply

Your email address will not be published. Required fields are marked *