Paiso Ki Bachat Kaise Kare: 11 Tarike in Hindi (Save the Money)

Paise ki bachat karna bhi ek achhi habit hai, ek successful person ko paise bachane ke upay aur tarike pata hona kafi jaruri hai taki wo life ke har kharche ko nikalne me safal ho sake.

save-money

Agar baat kare 21st century ki toh sab pehle ye kehte hai ki Paise kaise kamaye? Ab kamane ke baad vapis ye sawal bhi karte hai ki Ab paise kaise bachaye? Itni mehngai, itne kharche, ab is bich savings kaise ki jaye.

Toh chaliye is post me main bataunga paise bachane ke bhot hi easy and simple tarike, jo har koi apni life me chahe toh easily dhaal sakta hain.

Paise ki Bachat Ke Liye 11 Asardar Tarike

1. Monthy Ya Daily Base Par Budget Plan Kare

  • Agar aap sach me apni earnings ya paiso me se kuch bachat karna chahte hai, toh aapko sabse pehle ek budget jarur banana hoga.
  • Budget aapko sabse pehle Monthly basis par banana hoga. Then uske baad per day ka kharcha bhi set karna hoga.
  • Aur in short kahu, toh per day ka budget banana bhi jaruri hai, tabhi aap apne monthly budget ke mutabik aage badh sakte hain.
  • Ye bhi apne budget me jarur likhe ki kitna paisa aapko har month me bachat karna hain. Aur sath hi ye bhi ki kin-kin chizo ko avoid karna hain.

2. Nayi Chizo ko Kharidne Me Thoda Patience Rakhe

  • Aap khud ye baat jante hai ki paisa yuhi nahi kamaya jata ya yuhi paise nahi aate. Aapko paisa kamane ke liye apna time invest karna padta hai aur invest kiye time me mehnat bhi karni padti hain.
  • Isliye aap koshish kare, jaha tak ho nayi chizo ko kharidne me jal baaji na kare. Mere kehna ka matlab ye hai ki jab tak un nayi chizo ki aapki life me jarurat na bade tab tak un chizo ko naa hi kharide.
  • Maan lijiye, aapko kuch electronic chiz kharidni hai aur aapke paas use kharidne ke pure paise nahi hain. Toh kuch waqt intzaar kare, shayad vo chiz aapko kuch samay baad sasti mile. Isse aapke paise kaafi had tak bachenge.

3. Light Kam Consume Kare

  • Aapko apni aadhi income ya apne paise is light bill me agar nahi kharchne, toh jitna ho sake light kam comsume kare. Vaise ye ek acchi aadat bhi hai, kyunki aap ek tarah se global warming rok rahe hain.
  • Jaise T.V., Laptop, Fan in sabhi electronics chizo ka consumption kam kare. Ya fir inka use hone ke baad turant band kar de, paise ki bachat ke liye yah ek asardar kadam ho sakta hai.

4. Bad Habbits Chode

  • Aap yakin maaniye, in habbits se naa sirf aapke paise waste hote hai, balki isse aapki health bhi kaafi had tak kharab ho jati hain.
  • Isliye Smoking, Sharab aur Ghutka jaisi sabhi chizo ka sevan band kar de aur paise bachaye.

5. Junk Food Bhi Kare Kam

  • Ab aisa toh hai nahi ki aap log humesha ghar ka khana hi khaate hain. Beshak, 60% log junk food daily basis par unki daily life me khate hain. Aur ye bhi naa sirf aapke paise waste karti hai, balki isse aapki health bhi kaafi had tak kharab ho jati hain.
  • Aap ghar ka accha khana khane ki aadat daal le, taaki aapki health aur paise dono aapke monthly budget ke hisab se chale. Aur aapke paiso ka accha amount aap bachat kar le.

6. Bank Me Savings Kare

  • Aap chahe toh bank me RD Account khulwa kar, usme monthly basis par paise bachat kare. Ya fir chahe toh Bank me apne savings ke ek bade amount ki FD karwa de.
  • Lekin agar aap monthly basis par hi savings karna chahte hai, toh bank me aap RD Account ya Savings Account jarur khulwa de.

7. Internet Chalaye, Paise Bachaye

  • Ab aap ye toh nahi keh sakte ki aap internet user nahi hain. Aap internet jarur chalate honge, tabhi aap humari ye fantastic post is samay padh rahe hain. Toh bas sabse pehle aap apne news padhne ke jariya change kare.
  • Newspaper ko band kare aur online E-book se news paper read kare. Isse aapko har news kuch hi seconds me pata chal jayegi. Isi ke sath aapko newspaper ki tarah ghar par jakar padhne ki bhi jarurat nahi hain.
  • Internet par aapko sab tarah ke questions ke answer mil jayenge. Toh bina koi der kiye agar aap koi magazine ya koi monthly basis book bhar se mangvate hai, toh vo band kare. Aur internet user ki tarah aasani se kabhi bhi aur kahi bhi access karke dekh le.

8. Vehicles Ka Use Kam Kare

  • Ab aap khud jante hai ki India me petrol ki rates kitni high hai aur us samay aap vehicles ka use jyada karne lag gaye, toh aapke daily aur monthly budget dono gadbada jayenge.
  • Isliye koshish kare ki apne personal vehicles ka use kam kare aur agar use karna pade toh bhot rare cases me kare. Office, school, College jane ke liye Public Transport ka use bhi accha rahega, paise save karne ke liye.

9. Kharchne Se Pehle Bachaye

  • Humesha logo ki aadat hoti hai ki, sab paise kharchne ke baad jo thoda kuch bach jaata hai, use saving maan kar save karte hain.
  • Lekin aisa karna galta hain. Aur iski jagah aap paise kharchne se pehle hi apni fix ki gayi saving ke liye paise alag kar le. Isse aapke pas paise kam hi bachenge jisse aap khud bhi saving karne ke liye motivate honge.

10. Credit Card Ka Use Puri Tarah Kare Band

  • Aap soch rahe honge ki main aisa kyu keh raha hu, lekin yahi vo chiz hai jiski wajah se hume bhot sare kharche karne padte hain. Agar aap ise sahi se use karna jante hai toh vo thik hain. Aur agar nahi, toh ye aapke liye bilkul nahi bana.
  • Aapki credit limit jyada hone se aksar aap bina matlab ki shopping kar lete hain.
  • Sabse pehle agar aapka credit card hai toh use use naa kare. Savings karna aur credit dono dushman jaise hi dikhte hain. Isliye aapko kisi ek ko choose karna hoga.

11. Shopping- Savings Ka Sabse Bada Dushman

  • Ab aaj ke time me har koi accha dikhna chahta hai aur har koi acche kapde pehnana chahte hain. Lekin agar aapko savings ka rule apni life me establish karna hai, toh aapko Shopping word apni life se thoda kam karna hoga.
  • Ab shopping me sabse jyada paise log naye kapdo ko kharidne me kharch karte hain. Ab har mahine bhi aap ek nayi dress kharidte hai, aur aapke expenses income se jyada ho rahe hai, toh koshish kare 3-4 mahine me ek dress kharide. Aur ho sake toh, online hi kharide kyunki online aapko market value se kaafi saste aur acche products mil jaate hain.

In kuch tariko ko aap apne paise bhot easily bachat ya save kar sakte hain.

Leave a Reply

Your email address will not be published. Required fields are marked *